Përkeqësimi i kushteve të motit, pezullohet për sonte lundrimi i trageteve Durrës-Bari

Aktualitet | 2 vite më parë

Kushtet atmosferike në vend, sipas parashikimeve, do të përkeqësohen ndjeshëm në orët në vijim, ndërsa për pasojë është pezulluar për mbrëmjen e sotme (3 tetor) lundrimi i trageteve nga Porti i Durrësit drejt Barit. Autoriteti Portual Durrës njofton se lundrimet do të rinisin ditën e nesërme.

“Referuar parashikimeve të Autoriteteve detare për përkeqësim të kushteve të motit, mbrëmjen e sotme (dt.03.10.2024) nuk do të ketë lundrime të trageteve nga Porti i Durrësit drejt Portit të Barit. Tragetet do të nisen drejt Barit(Itali) mëngjesin e ditës së nesërme(04.10.2024)”, thuhet në njoftim.

Për shkak të përkeqësimit të kushteve të motit, Kapitaneria e portit të Vlorës pezulloi për dy ditë lundrimin e mjeteve të vogla të peshkimit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.