Përmbytet miniera e qymyrit në Kinë, bllokohen 21 persona

Botë | 5 vite më parë

Në provincën Shansi në veri të Kinës 21 persona kanë mbetur të bllokuar si pasojë e përmbytjes së galerive të minierës së qymyrit që ka funksionuar ilegalisht në qytetin Xiaoyi.

Në deklaratën e pushtetit vendor, thuhet se uji në minierën ku u mbyllën daljet për shkak të përmbytjes, nisi të evakuohej me pompa ndërsa 21 persona mbetën të bllokuar.

Policia arrestoi 6 persona të cilët u konstatuan se ishin përgjegjës për operacionin e paligjshëm.

Kina ka forcuar kontrollet e saj në vitet e fundit për të luftuar ndërmarrjet ilegale të qymyrit, ku në të kaluarën kanë ndodhur shumë aksidente dhe vdekje. Megjithatë, raportohet se aktiviteti i jashtëligjshëm i minierave është rritur këtë dimër për shkak të rritjes së çmimeve globale të qymyrit dhe si pasojë e mungesës së furnizimit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.