Presidenti i SHBA, Joe Biden do të vizitojë kufirin SHBA-Meksikë të dielën për herë të parë që nga marrja e detyrës gati dy vjet më parë, për trajtuar një nga çështjet më të ngarkuara politikisht, emigrantët.

Biden njoftoi të enjten plane të reja për të bllokuar emigrantët kubanë, haitianë dhe nikaraguanë në kufirin SHBA-Meksikë, duke zgjeruar kombësitë e migrantëve që mund të dëbohen përsëri në Meksikë dhe vizita në El Paso, Teksas, nuk pritet të sjellë përparime të reja politike. Në vend të kësaj, synohet të tregojë se presidenti i SHBA po e merr seriozisht çështjen.

Zyrtarët kufitarë amerikanë kapën një rekord 2.2 milionë emigrantë në kufirin me Meksikën në vitin fiskal 2022 që përfundoi në shtator.

Përpjekja e Biden për të goditur valën e emigrantëve ka tërhequr kritika nga të gjitha anët. Aktivistët e të drejtave të njeriut dhe disa demokratë thonë se kufizimet e reja janë një tërheqje nga premtimi i fushatës së Bidenit në vitin 2020 për të rivendosur të drejtat historike për azilkërkuesit./ Reuters

/rtsh.al/