Të paktën 56 civilë janë vrarë në Sudan në luftimet midis ushtrisë dhe grupit paraushtarak të Forcave të Mbështetjes së Shpejtë (RSF).  

Unioni i mjekëve sudanez thotë se dhjetëra ushtarë kanë pësuar viktima dhe të paktën 595 persona janë plagosur në të gjithë vendin.

Avionët luftarakë u janë pare në pjesë të ndryshme të Khartoum-it, duke synuar me sa duket vendndodhjet e RSF-së duke përdorur sulme ajrore.

Ndërkaq, televizioni shtetëror i Sudanit ndërpreu transmetimin e tij të dielën pasdite, njoftoi agjencia e lajmeve Reuters, megjithëse nuk është bërë e qartë se çfarë e shkaktoi ndërprerjen.

Ndërprerja e transmetimit erdhi pas luftimeve midis ushtrisë sudane dhe grupit kryesor paraushtarak të vendit që shpërthyen të shtunën.

Nga ana tjetër, arabia Saudite bën thirrje për qetësi. Ministri i Jashtëm saudit Faisal bin Farhan bin Abdul ka zhvilluar biseda telefonike me liderët e fraksioneve ndërluftuese në Sudan dhe ka bërë thirrje për t’i dhënë fund përshkallëzimit ushtarak midis dy palëve, transmeton Al Jazeera. 

Ai foli me liderët e të dy palëve – Gjeneral Abdel Fattah al-Burhan, kreu i Këshillit Sovran qeverisës kalimtar të Sudanit dhe me kreun e Forcave të Mbështetjes së Shpejtë paraushtarake (RSF), gjeneralin Mohamed Hamdan Dagalo, thotë agjencia e lajmeve Reuters. Ndërkohë vendi është përfshirë nga kriza humanitare.

/rtsh.al/