Në një incident të ndodhur në zonën e “Astirit” në Tiranë, një person është plagosur me thikë ditën e sotme.

Sipas raportimeve policia ka arritur të identifikojë dhe të arrestojë autorin e dyshuar të krimit.

Policia njoftoi se shërbimet e Komisariatit të Policisë Nr. 6 dhe ato të Forcës së Posaçme “Shqiponja”, pas marrjes së njoftimit se në Unazë të Re, sot rreth orës 18:45, një shtetas kishte plagosur me mjet prerës, një 34-vjeçar, kanë organizuar menjëherë punën për kapjen e autorit dhe vënien e tij përpara përgjegjësisë ligjore.   

Si rezultat i veprimeve të shpejta policore, u kap dhe u shoqërua në komisariat për veprime të mëtejshme procedurale shtetasi D. K., 25 vjeç, banues në Tiranë. 

Nga veprimet hetimore dyshohet se shtetasi D. K., për motive të dobëta, ka plagosur me mjet prerës shtetasin A. H., 34 vjeç, i cili ndodhet në spital, nën kujdesin e mjekëve. 

Vijon puna nga grupi hetimor për sqarimin e rrethanave të ngjarjes.

/rtsh.al/