Presidenti Biden premton ndihmë të menjëhershme për të mbijetuarit e zjarreve në Hawaii

Botë | 3 vite më parë

Presidenti amerikan Joe Biden ka komentuar zjarret në Hawaii ndërsa udhëtonte për në Utah. Ai u zotua se reagimi federal ndaj fatkeqësisë do të sigurojë që “kushdo që ka humbur një të dashur, ose që shtëpia i është dëmtuar ose shkatërruar, do të marrë ndihmë të menjëhershme”.

Biden premtoi të thjeshtojë kërkesat për ndihmë federale dhe tha se Agjencia Federale e Menaxhimit të Emergjencave po “rriste personelin e urgjencës” në Maui.

Ai gjithashtu urdhëroi të gjithë personelin e Gardës Bregdetare dhe të Forcave Ajrore në ishull që të punonin me Gardën Kombëtare të Hawait për të ndihmuar.

“Lutjet tona janë me popullin e Havait. Por jo vetëm lutjet tona. Çdo aset që kemi do të jetë në dispozicion të tyre”, tha ai. Apnews

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.