Presidenti i ri, Monika Kryemadhi: Nuk kemi rezerva për figurën e Bajram Begajt, por LSI do votojë kundër

Politikë | 4 vite më parë

Lëvizja Socialiste për Integrim duket se do të mbajë të njëjtin qëndrim si PD, për të votuar kundër kandidaturës së Bajram Begajt si Presidenti i ri i vendit.

Jashtë Kuvendit, ku po zhvillohet seanca e posaçme për raundin e katër të votimit për Presidentin e ri, kryetarja e LSI-së, Monika Kryemadhi u shpreh se nuk ka rezerva për figurën e Begajt, por theksoi se ata do të votojnë kundër, duke akuzuar kryeministrin Edi Rama se po instalon diktaturën në vend.

“Procesi duhet të ishte konsensual, kushtetues, përfshirës dhe të përfaqësonte vullnetin e të gjitha palëve politike, por edhe të shqiptarëve. Nuk flasim për individin, jemi mësuar t’i bëjmë pis individët. Vota e LSI është votë kundër. Nuk kam rezervë për asnjë person, por për diktaturën që po instalon Edi Rama”, tha Kryemadhi.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.