Gjatë muajve të verës në zonën trofike të fushës së Maliqit janë djegur mbi 200 HA tokë ndaj dhe marrja e masave ishte më se e nevojshme për të shmangur problematika të tilla në vijim. Për drejtorin e Drejtorisë Rajonale të Ujitje-kullimit Gentian Aliçkolli, ndërtimi i këtyre portave do të shërbejë gjithashtu edhe për sigurimin e ujit për vaditje.

Zgjidhjet e dhëna më herët thotë Aliçkolli, nuk kishin rezultuar efektive.

“Specialistët tanë por edhe në bashkëpunim me specialistët e ministrisë se bujqësisë u ulën për të hartuar një projekt i cili në fokusin e tij ka vendosjen e afërsisht e 20 portave me mekanizëm, të cilat do të shërbejnë për vaditjen e tokave bujqësore por edhe në momentet e zjarreve në mënyrë të kontrolluar për fushat e Maliqit”, tha drejtori i Drejtorisë Rajonale të Ujitje-Kullimit Gentian Aliçkolli.

Punimet për ndërtimin e këtyre portave janë parashikuar të zgjasin rreth 5 muaj ndërsa vlera e investimit është rreth 20 milionë lekë të rinj.

/RTSH/