Protesta në Libi pas përmbytjeve katastrofike, digjet shtëpia e kryebashkiakut të qytetit Derna

Botë | 3 vite më parë

Shtëpia e kryebashkiakut në qytetin libian Derna është djegur, ndërsa qindra protestues janë ngritur pas përmbytjeve katastrofike të javës së kaluar.

Ata u mblodhën para xhamisë historike të qytetit Sahaba, duke kërkuar shkarkimin e zyrtarëve të lartë të qeverisë lindore të Libisë. I gjithë këshilli bashkiak i Dernës tani është shkarkuar.

Më shumë se 10.000 njerëz janë zyrtarisht të zhdukur pasi dy diga u shkatërruan, duke përmbytur qytetin. Shifrat e dhëna për numrin e njerëzve që dihet se kanë humbur jetën kanë ndryshuar shumë, por OKB thotë se ka konfirmuar afër 4.000 vdekje.

Banorët pretendojnë se nuk janë paralajmëruar në kohë nga zyrtarët, teksa theksojnë se u është dhënë njoftim për qëndrim në shtëpi në vend që t’u thuhet të evakuohen. Zyrtarët i mohojnë këto pretendime./ BBC

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.