Pushimet nga puna dhe vjetërsia në pune, institucionet publike nuk do bëjnë rekurse

Sociale | 5 vite më parë

Institucionet publike nuk do të bëjnë më rekurse në Gjykatën e Lartë për paditë e bëra lidhur me pushimet nga puna apo vjetërsinë në punë, për shifra të vogla. Këshilli i Ministrave hartoi dhe një projektudhëzim për institucionet në varësi, ku i udhëzon që të heqin dorë nga rekurset për ankimimin e vendimeve të gjykatave të apelit dhe të Gjykatës Administrative të Apelit për çështjet që lidhen kryesisht me ndërprerjen e marrëdhënieve të punës dhenjohjen e vjetërsisë në punë. Kjo sidomos kur vlera e padisë është më e vogël se dyzetfishi pagës minimale, në shkallë vendi.
Ky hap vjen në një kohë kur në këtë gjykatë ka një stok çështjesh gjyqësore të prapambetura dhe pamundësisë e trajtimit të tyre për shkak të numrit të vogël të gjyqtarëve efektivë. Vetë Gjykata e Lartë e kishte bërë këtë kërkesë gjatë muajit dhjetor.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.