Me referenca ndaj skenës ndërkombëtare globale, si dhe të ardhmes së luftës në Ukrainë, Presidenti rus Vladimir Putin teksan shoqëroi ceremoninë e dorëzimit të kredencialeve ambasadorëve të rinj të huaj në Kremlin, në paraqitjen e tij të parë publike të vitit të ri tha se Rusia vazhdon të kërkojë zgjidhje paqësore të konfliktit në Ukrainë.

“Ne besojmë se do të ishte e vlefshme të ktheheshim në një diskutim thelbësor mbi këto çështje, në mënyrë që të përcaktonim kushtet në të cilat mund të arrihet një zgjidhje paqësore e konfliktit në Ukrainë, dhe sa më shpejt aq më mirë”, tha udhëheqësi rus.

Megjithatë, ai vuri në dukje se: “Jo të gjithë janë gati për këtë, përfshirë Kievin dhe kryeqytetet që e mbështesin atë, por shpresojmë që njohja e kësaj nevoje do të vijë herët a vonë. Deri atëherë, Rusia do të vazhdojë të ndjekë vazhdimisht qëllimet e saj. Nuk është rastësi që thonë: paqja nuk vjen vetvetiu ajo ndërtohet çdo ditë. Paqja kërkon përpjekje, përgjegjësi dhe një zgjedhje të vetëdijshme”, tha ndër të tjera Vladimir Putin dhe sqaroi se “siguria e vendeve nuk mund të sigurohet në kurriz të të tjerëve. Kriza ukrainase u shkaktua nga injorimi i interesave legjitime të Rusisë”.

Lidhur me marrëdhëniet dypalëshe, Presidenti rus ishte i qartë duke thënë se  “Moska është e gatshme të rikthehet në dialogun me vendet evropiane”.

/rtsh.al/