“Ne do të mbajmë angazhimet tona. Tani menjëherë në punë”, këto ishin fjalët e parë që kryeministrja e re e Italisë, Giorgia Meloni tha sapo qeveria e saj mori edhe besimin e Senatit.

Me 115 pro, 79 kundër dhe 5 abstenime Senati italian i dha besimin qeverisë së re. Gjatë largimit nga Senati, Meloni tha se ishte e kënaqur dhe se tani ishte koha t’i futeshin punës.

“Për besimin e qeverisë votoi edhe Senati i Republikës. Ne u paraqitëm në fushatë elektorale me një program të qartë dhe të detajuar. Tani do t’i mbajmë ato angazhime, sepse lidhja ndërmjet përfaqësuesit dhe të përfaqësuarit është thelbi i demokracisë. Menjëherë për të punuar për të dhënë përgjigje për urgjencat e Italisë dhe italianëve”, tha Meloni.

Partia ‘Vëllezërit e Italisë’ së Melonit pati një fitore historike me 26 % të votave në zgjedhjet e 25 shtatorit, duke u bërë e para grua në Itali që mban postin e Kryeministres.

/rtsh.al/