Qeveria parashikon një fond prej 40 milion dollarë për pensionistët dhe kategoritë në nevojë. Në konferencën për mediet, Ministrja e Financave dhe Ekonomisë, Delina Ibrahimaj tha se 668 mijë pensionistë që përfitojnë nga paketa e cila është miratuar sot, që arrin në një vlerë 3.5 miliardë lekësh për sa i takon pensionistëve dhe 400 milionë lekësh për të gjithë kategoritë e tjera.“Janë afërsisht 40 milionë USD që alokohen për shpërblimet e fundvitit, për pensionistët dhe paketën e ndihmës ekonomike për personat me aftësi të kufizuar”, u shpreh Ibrahimaj.

Sipas saj, paketa e ndihmës ekonomike e anoncuar tashmë nga qeveritë çdo fundvit, duke nisur nga viti 2022 do të jetë një zë buxhetor duke mos qenë kështu një pikëpyetje për pensionistët.“Qeveria socialiste në të gjitha mandatet e saj ka miratuar gjithmonë bonusin e pensionistëve duke e vlerësuar këtë kategori prioritet”, u shpreh Ibrahimaj.