Kryeministri Edi Rama, nga Tepelena komentoi edhe shkarkimin e të gjithë sekretariatit, përfshirë edhe Damian Gjiknurin.

Kreu i qeverisë theksoi se partia është në një proces reformimi dhe lëvizjet janë bërë për ta çuar punën në një nivel tjetër.

Rama theksoi se raporti i Partisë Socialiste me drejtësinë është i qartë, ndërsa vlerësoi punën e bërë nga Gjiknuri.

“Po të nisemi në vendimet tona nga thashethemet apo nga përfshirjet paraprake në një proces analize hetimore, unë s’di kush mbetet në këtë vend pa u bërë pis. Po u them që ndërkohë që raportin tonë me drejtësinë e kemi bërë të qartë, lëvizja e të gjithë sekretariati nuk ka të bëjë aspak me çfarë është spekuluar me Damianin. E ka bërë punën mirë, derisa edhe rezultatet kanë folur mirë për PS. Të tjerët s’kanë parë kurrë nga vetja dhe prandaj janë aty ku janë. Raporti me drejtësinë është i qartë. Lëvizjet tek ne bëhen vetëm për arsye të nevojës për ta çuar punën në një nivel tjetër” tha Rama.

/rtsh.al/