Rama: Shqipëria nuk do të ketë kurrë kampe emigrantësh!

Politikë | 5 vite më parë

Kryeministri Edi Rama ka hedhur poshte lajmin e publikuar në gazetën “The Times” se në Shqipëri po ndërtohej një kamp refugjatësh. Zoti Rama përjashtoi çdo lloj mundësie që Shqipëria të ndërtojë në territorin e saj kampe për emigrantët për llogari të vendeve të pasura. “Nuk jam këtu për të shpjeguar pse i bëjnë këto. Shqipëria nuk do jetë kurrë, një vend ku vende shumë të pasura do krijojnë kampe për refugjatët e tyre. Asnjëherë!”, tha ai në një dalje për mediat, pas mbledhjes me krerët e degëve të PS-së.

I pyetur për zgjedhjet e pjesshme vendore në 6 Bashki, zoti Rama tha PS është gati, ndërsa prêt dekretimin e datës së zgjedhjeve nga Presidenti Ilir Meta.
Me vendim të Gjykatës Kushtetuese, zgjedhjet e pjesshme vendore do të zhvillohen në Bashkitë Durës, Dibër, Shkodër, Vorë, Lushnje dhe Rrogozhinë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.