Një nga problemet më serioze me shëndetin që mund të na kapë në befaqi gjatë kohës së pushimeve është alergjia nga helmi i bletëve i cili mund të shkaktojë anafilaksi. Kjo gjëndje sipas mjekëve mund të rrezikojë edhe jetën dhe kërkon ndihmë mjekësore urgjente. Sipas mjekes Alkerta Brianji reaksioni i përgjithshëm ndaj pickimit të bletës është dukuri e rrallë dhe paraqitet tek 5% e populates së botës. Ky reaksion shoqërohet me simptoma të tilla si : puls i shpejtë dhe i dobët, frymëmarrje e shkurter, të vjella dhe urinim i pakontrolluar. Mjekja alergologe thotë se deri në mbërritjen pranë qendrës shëndetësore personat duhet të kenë marrë medikamentin e urgjencës.
Personat që provojnë episode të tilla pickimi me pasoja kaq të rënda duhet të kryejnë menjëherë ekzaminime serologjike të alergjisë ndaj insekteve dhe antitrupave. Interesant është ifakti se alergjia e helmit të bletës është dukuri më e shpeshtë te ata të cilët merren me bletari, te anëtarët e familjes së tyre ose fqinjët.