Reforma Zgjedhore, OSBE-ja nis konsultimet me faktorët politik, Gjiknuri takon ambasadorin Del Monaco

Politikë | 5 vite më parë

Reforma Zgjedhore, e cila në këto momente lidhet kryesisht me zgjedhjet e ardhshme vendore, duket se është në agjendën kryesore të faktorit ndërkombëtar, posaçërisht OSBE-së. Në funksion të kësaj, sekretari i Përgjithshëm i PS-së, Damian Gjiknuri, ka pritur sot në selinë e Partisë Socialiste ambasadorin e OSBE në Tiranë, Vincenzo Del Monaco.

Përmes postimit në rrjete sociale, zoti Gjiknuri bën me dije se gjatë takimit me kreun e prezencës së OSBE-së në vendin tone, ka diskutuar mbi reformën zgjedhore dhe zhvillimet politike në vend.

“Kënaqësi të prisja në një takim ambasadorin e OSBE në Tiranë, Vincenzo Del Monaco me të cilin diskutova mbi procesin e reformës zgjedhore, nevojën për adresimin e rekomandimeve të OSBE/ODIHR dhe zhvillimet politike në vend”, shkruan Sekretari i Përgjithshëm i PS-së, Damian Gjiknuri.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.