Drejtori i Përgjithshëm i Burgjeve Klevis Qose ka pritur në institucionin që ai drejton, Sekretarin e Shtetit të Suedisë, Mikael Kullberg, dhe Ambasadorin e Suedisë, Niklas Ström, së bashku me këshilltarët e tyre.

Në këtë takim Qose ka diskutuar për thellimin e bashkëpunimit penitenciar dhe reformat në sistemin e burgjeve, kryesisht në krijimin e programeve të reja për rehabilitimin dhe riintegrimin e të dënuarve.

Gjithashtu, Qose bën të ditur se mes tyre është biseduar për “mundësitë për shkëmbimin e praktikave më të mira mes dy vendeve dhe mënyrat e trajtimit të të sëmurëve mendorë në institucionet penitenciare”.

“Kënaqësi të prisja sot në Drejtorinë e Përgjithshme të Burgjeve Sekretarin e Shtetit të Suedisë, z. Mikael Kullberg, dhe Ambasadorin e Suedisë, z. Niklas Ström, së bashku me këshilltarët e tyre.

Gjatë takimit, diskutuam për thellimin e bashkëpunimit në sistemin penitenciar dhe reformat për përmirësimin e tij, me fokus të veçantë në krijimin e programeve të reja për rehabilitimin dhe riintegrimin e të dënuarve. Diskutuam gjithashtu mundësitë për shkëmbimin e praktikave më të mira mes dy vendeve dhe mënyrat e trajtimit të të sëmurëve mendorë në institucionet penitenciare”, shkruan Qose në Facebook.

/rtsh.al/