Bulevardi i Palmave në Lushnjë i nënshtrohet ndërhyrjes, investim në aksin kryesor të qytetit

Aktualitet | 8 muaj më parë

Shëtitorja e palmave, aksi më i rëndësishëm rrugor i Lushnjës, po i nënshtrohet një ndërhyrjeje të plotë mirëmbajtjeje.

Punonjësit e ndërmarrjes së shërbimeve në Lushnjë kanë nisur krasitjen e palmave përgjatë gjithë segmentit, rregullimin e pjesshëm të trotuareve, vendosjen e koshave të vegjël për mbeturinat, si dhe pastrimin e plotë me fshirje e larje në të dy anët e rrugës.

Kjo ka ardhur menjëherë pas kërkesave të vazhdueshme të banorëve, për rikthimin e shëtitores se palmave.

Sipas bashkisë, kjo është hera e parë që realizohet një ndërhyrje kaq e gjerë dhe e koordinuar në këtë aks të rëndësishëm urban.

Me gjatësi rreth 1.5 kilometra, kjo shëtitore është një nga zonat më të frekuentuara nga banorët, ndaj pritet që ndërhyrja të përmirësojë dukshëm estetikën, sigurinë dhe qarkullimin për këmbësorë e mjete.

/rtsh.al/

lushnje

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.