Rindërtimi në Fushë Krujë, banorët hapin sot dyert e shtëpive të reja

Sociale | 5 vite më parë

244 familje të prekura nga tërmeti në Fushë-Krujë do të futen sot në banesat e reja. Kryeministri Edi Rama ndau sot pamje nga momentet e tërmetit, vizitat e kryera prej tij tek banorët e dëmtuar, si dhe punimet që janë kryer për shtëpitë e reja. “Mirëmëngjes dhe me kënaqësinë e krenarinë e punës së bërë në Fushë Krujë, për kthimin në shtëpi të familjeve të prekura nga tërmeti, e me gëzimin e atyre që sot do të hapin dyert për të pritur Vitin e Ri, ju uroj një ditë të qetë”, shprehet kryeministri Rama.

Fushë Kruja është një nga zonat më të dëmtuara nga tërmeti i 26 Nëntorit. Zona e rindërtimit ndodhet 1 km larg nga qendra e qytetit.

Plani i zhvillimit shtrihet në një sipërfaqe prej 10 hektarësh ku ndërthuren banesat individuale, ndërtesat kolektive, institucionet arsimore dhe shërbimet.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.