Riparohet traseja e urës së vjetër mbi lumin Buna

Aktualitet | 2 vite më parë

Në urën e vjetër mbi lumin Buna, monument kulture i kategorisë së II në Shkodër po kryhet riparimi i trasesë.

Kryetari i bashkisë së Shkodrës, Benet Beci ndoqi nga afër punimet që po kryhen në urë. Ai tha se “brenda 3 ditësh kjo ndërhyrje nga Ndërmarrja e Shërbimeve të Punëve Publike, do ta kthejë funksionale të gjithë trasenë e Urës mbi lumin Bunë”.

Beci i bëri thirrje qytetarëve, përdorues të motorëve të përdorin urën e madhe të asfaltuar e të mos e dëmtojnë Urën e Bunës me dru.

Ura e vjetër e Bunës është monument kulture i kategorisë së II, që nga viti 2010. Në vitin 2011, pas ndërtimit të Urës së re të Bunës, në urën e vjetër lejohen vetëm këmbësorët.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.