Rithemelimi bllokon sërish punën e Komisionit të Reformës Zgjedhore, mbledhja do zhvillohet online

Politikë | 3 vite më parë

Mbledhja e radhës e Komisionit për Reformën Zgjedhore është bllokuar sërish nga deputetët e Rithemelimit, të cilët kanë hyrë në sallë duke zënë karriget dhe mos lejuar bashkëkryetarin e komisionit Damian Gjiknuri që të hyjë brenda.

Deputetët e Rithemelimit edhe këtë herë janë përplasur me Gardën duke hyrë me dhunë në sallë. Bashkëkryetari i komisionit Damian Gjiknuri është përplasur me deputetin Falmur Noka i cili tha se “nuk do të lejojë që Reforma Zgjedhore të bëhet me opozitë të emëruar”.

Nga ana tjetër Gjiknuri ka thënë se anëtarët dhe bashkëkryetari i opozitës në komision është emëruar nga vetë deputetët që sot nuk lejojnë mbajtjen e mbledhjeve.

Pas tensioneve të përsëritura në Komisionin e Reformës Zgjedhore, mbledhja do të zhvillohet online si herën e kaluar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.