Rreziku nga zvarranikët, 10 raste pickimesh në Fier, mjeku apelon të tregohet kujdes

Sociale | 4 vite më parë

Përveç temperaturave të larta stina e verës sjell edhe rastet nga pickimet e zvarranikëve dhe insekteve. Vetëm gjatë periudhës maj-qershor në spitalin Rajonal në Fier janë paraqitur 5 raste nga pickimi i nepërkës dhe gjarprit si dhe 3 raste nga pickimi nga merimanga dhe 2 nga akrepi duke e çuar 10 në total numrin e tyre.

Rastet në fjalë kanë ardhur nga zonat e rrethit Fier e Mallakastër ku fermerët në këtë periudhe janë të ekspozuar për shkak të punëve në bujqësi.

Mjeku toksikolog Lulëzim Banushaj ka shpjeguar se në këtë periudhe helmi i zvarranikeve dhe insekteve është shume i koncentruar dhe viktimat e tyre janë të rrezikuar nga helmi vdekjeprurës.

Ndërsa të gjithë personat e pickuar nga merimanga dhe zvarranikët i kanë shpëtuar rrezikut nga vdekja, mjeku këshillon fermerët të tregojnë kujdes në punët në bujqësi.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.