Rrëzohet avioni rus në Ryazan, 4 të vdekur dhe 5 të plagosur

Botë | 4 vite më parë

Një avion është rrëzuar në aeroportin e Ryazan në Dyagilevo pas një problemi me mootorin dhe për pasojë 4 persona kanë humbur jetën dhe 5 të tjerë janë plagosur. Avioni ushtarak rus Il-76 do ulej për t’u furnizuar me karburant në momentin që motori ka shfaqur problem dhe për pasojë u rrëzua duke u shpërbërë pjesërisht.

“Ekipi i reagimit ndaj krizës i qeverisë rajonale informon se, sipas informacioneve paraprake, katër persona humbën jetën kur një aeroplan u rrëzua pranë autostradës Mikhailovskoye në qytetin e Ryazan. Pesë persona janë pranuar në spitale me lëndime të shkallëve të ndryshme. Ata po marrin të gjithë ndihmën e nevojshme mjekësore. Të lënduarit janë në gjendje stabile. Informacioni do të verifikohet”, ka bërë me dije ekipi i qeverisë, raporton TASS.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.