Sipas të dhënave më të fundit të publikuara nga INSTAT, tregtia e mallrave përgjatë dhjetëmujorit 2022 preku vlerën e 404 mld lekë, duke u rritur me 35,0 %, ndërkohë që importet e mallrave arritën vlerën 778 mld lekë, duke u rritur me 23,1 %, krahasuar me të njejtën periudhë të një viti më parë. 

Deficiti tregtar nga ana tjetër vazhdon të mbetet i lartë në vlerën e 374 mld lekë, duke u rritur me 12,4 %, krahasuar me të njëjtën periudhë të 2021. 

Përgjatë 10 mujorit, eksportet që kanë ndikuar pozitivisht në rritjen vjetore, janë: “Minerale, lëndë djegëse dhe energji elektrike”, “Materiale ndërtimi dhe metale” si dhe “Tekstile dhe këpucë” 

Në garën e eksporteve përgjatë 10 mujorit, Shqipëria vazhdon të bëjë tregti me parterët e saj europiano-perendimore, ku rritje më të madhe vërehet me Italinë dhe Gjermaninë, respektivisht me  42,1 % dhe  74,4 %.

Ndërkohë që ekonomia shqiptare vazhdon të importojë nga Italia, partneri jonë kryesore tregtare mbetet Turqia dhe Greqia. 

Shifrat pozitive dhe rikthimi i një sërë zërave në eksportet vendase i dedikohet më së shumti nevojës së sipërmarrjes për t‘ju rikthyer ritmeve të periudhës së para krizës ekonomike të shkaktuar nga konflikti Ukrainë- Rusi.

/rtsh/