Është rritur sërish çmimi i naftës dhe benzinë në vend, ndërsa gazi vijon të jetë i pandryshueshëm. Nga sot nafta do të shitet 5 lekë më shtrenjtë duke kapur vlerën e 240 lekëve, ndërsa benzina 6 lekë më shtrenjtë duke kapur vlerën e 233 lekë.

I vetmi që prej kohësh nuk ndryshon është çmimi i gazit, i cili vijon të shitet me 81 lekë/litri.

‘Bordi i Transparencës në datë 8 Korrik 2022, në mbledhjen e radhës vendosi:  Çmimi i shitjes me pakicë i nënproduktit gazoil i standardit SSH EN 590 të  jetë jo më shumë se 240 lekë/litri, ndërsa i shitjes me shumicë jo më shumë se 228 lekë/litër. Çmimi i shitjes me pakicë i nënproduktit benzinë e standardit SSH EN  të  jetë jo më shumë se 233 lekë/litri, ndërsa i shitjes me shumicë jo më shumë se 221 lekë/litër. Çmimi i shitjes me pakicë i nënproduktit gaz, të jetë 81  lekë/litër edhe i shitjes me shumicë 69 lekë /litër. Çmimet e caktuara nga Bordi do të hynë në fuqi sot datë 8 Korrik ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtij vendimi. Në rast të shkeljeve të konstatuara nga operatorë të ndryshëm do të vendoset pezullimi i aktivitetit. Jemi në monitorim të vazhdueshëm të ecurisë së bursave, me qëllim reagimin sa më të shpejtë’, thuhet në njoftimin e bordit.

/rtsh.al/