Rusia bombardon me raketa Ukrainën, 3 të vrarë dhe 13 të plagosur në qytetin Kryvyi Rih! Zelensky: Objektivi i tyre, civilët

Botë | 4 vite më parë

Ushtria ruse ka kryer një sërë sulmesh në disa qytete të Ukrainës, ku si pasojë e bombardimeve, 3 persona kanë humbur jetën dhe 13 të tjerë kanë mbetur të plagosur në qytetin Kryvyi Rih.

Ekipet e shpëtimit vazhdojnë të kërkojnë për një djalë të mitur të mbetur nën rrënojat e një blloku apartamentesh, ndërsa viktimat ishin prindërit e fëmijës. Një grua 64-vjeçare e paidentifikuar gjithashtu u vra gjatë sulmeve.

Trembëdhjetë persona, përfshirë katër fëmijë, u plagosën, ku një fëmijë shtatëvjeçar është në gjendje të rëndë”.

Qyteti në Ukrainën jugore ishte ndër më të goditurit në valën e fundit të sulmeve me raketa ruse.

“Të gjithë objektivat e tyre sot janë civilë, dhe këto janë kryesisht objekte të furnizimit me energji dhe ngrohje”, tha presidenti ukrainas Volodymyr Zelensky./ CNN

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.