Rusia ka rrëzuar pretendimet e Ukrainës për armë të rënda të vendosura në termocentralin bërthamor të Zaporizhzhia. Ministria ruse e Mbrojtjes ka deklaruar se forcat e saj nuk kanë armë të rënda të vendosura në termocentralin bërthamor të Zaporizhzhia, duke akuzuar Kievin për përgatitjen e një “provokimi” në stacion.

“Trupat ruse nuk kanë armë të rënda as në territorin e stacionit dhe as në zonat përreth tij. Ka vetëm njësi roje”, tha ministria në një deklaratë, raporton AlJazeera.

Duke vënë në dukje akuzat se forcat ruse kanë granatuar pozicionet ukrainase nga territori i termocentralit bërthamor, ministria tha se Kievi po planifikon një “provokim” gjatë vizitës në Ukrainë të shefit të OKB-së Antonio Guterres.

Ai tha se Ukraina po vendoste forca në zonë dhe planifikoi të nisë sulme artilerie në uzinë nga qyteti i Nikopol më 19 gusht, kur Guterres do të vizitojë Odesën.

/rtsh.al/