Mbështetja në energjinë ruse është një faktor kontribues në krizën e kostos së jetesës me të cilën përballen shumë konsumatorë.

Finlanda importon shumicën e gazit të saj nga Rusia, por gazi përbën më pak se një të dhjetën e konsumit të energjisë në vend.

Të shtunën, kompania shtetërore finlandeze Gasgrid Finland tha në një deklaratë se funizimet me gaz përmes pikës hyrëse të Imatrës u ndaluan më 21 maj. 

“Sasia e gazit të nevojshme nga tregu finlandez i gazit importohet në sistemin finlandez të gazit përmes pikës hyrëse të Balticconnector në përputhje me nominimet e bëra nga palët e tregut. Gasgrid Finlanda ka drejtuar importet e gazit në Balticconnector dhe sistemi i gazit aktualisht është në ekuilibër. “tha.

Më parë, firma shtetërore finlandeze e energjisë Gasum e përshkroi lëvizjen ruse si “shumë për të ardhur keq”.

“Megjithatë, ne jemi përgatitur me kujdes për këtë situatë dhe me kusht që të mos ketë ndërprerje në rrjetin e transmetimit të gazit, ne do të jemi në gjendje të furnizojmë të gjithë klientët tanë me gaz në muajt e ardhshëm,” tha në një deklaratë CEO i Gasum, Mika Wiljanen.

I pyetur për këtë çështje, një zëdhënës i Kremlinit tha se “është e qartë se askush nuk do të japë asgjë falas”.

Të dielën e kaluar, Rusia ndërpreu gjithashu furnizimet me energji elektrike në Finlandë. Ajo kishte kërcënuar me hakmarrje nëse Finlanda do të aplikonte për t’u bashkuar me NATO-n.

Në një zhvillim të veçantë, kompania shtetërore ruse e naftës Rosneft tha të premten se ish-kancelari gjerman Gerhard Schröder i kishte informuar ata se nuk do të shërbente më në bordin e tyre.

Z. Schröder është përballur me zemërimin në rritje të publikut për rolin fitimprurës. Ai ka refuzuar të kritikojë presidentin rus Vladimir Putin, të cilin ai e konsideron si mik personal, për vendimin e tij për të pushtuar Ukrainën.

/rtsh.al/