Rusia nis drejt Ukrainës armën e rrezikshme, ka efekt të madh shkatërrues

Botë | 5 vite më parë

Një raketë e shumëfishtë termobarike ruse është parë nga ekipi i CNN në jug të Belgorod, Rusi, afër kufirit me Ukrainën herët pasdite të së shtunës.

TOS-1 ose TOS-1A lëshues i shumëfishtë raketesh mund të lëshojë raketa me koka termobarike.

Nuk ka asnjë dëshmi se armët termobarike janë përdorur në konfliktin në Ukrainë.

Këto lloj armësh nuk përdorin municion konvencional. Në vend të kësaj, ato janë të mbushura me eksploziv me temperaturë të lartë dhe me presion të lartë. Ndonjëherë ato quhen “bomba me vakum” sepse thithin oksigjenin nga ajri përreth për të gjeneruar një shpërthim të fuqishëm dhe një valë të madhe presioni që mund të ketë efekte të mëdha shkatërruese.

Armët termobarike janë përdorur në Çeçeni, me pasoja të tmerrshme. Përdorimi i tyre është dënuar nga një sërë organizatash joqeveritare.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.