Sezoni turistik, 42 mijë vizita dhe shërbime falas në qendrat shëndetësore verore

Sociale | 5 vite më parë

Më shumë se 42 mijë vizita dhe shërbime u janë ofruar falas, afër zonave turistike, pushuesve vendas dhe të huaj në këtë sezon në 29 qendrat shëndetësore verore të hapura 24 orë pa ndërprerje nga veriu në jug. Ministrja e Shëndetësisë dhe Mbrojtjes Sociale, Ogerta Manastirliu solli në vëmendje punën e kryer nga ekipet shëndetësore përgjatë sezonit veror.

Sipas saj, shërbimi do të vijojë në qendrat shëndetësore verore të zonave bregdetare deri më 15 shtator.

Falë këtij shërbimi, qytetarët janë trajtuar në kohë dhe me cilësi, duke shmangur edhe fluksin në spitale, ndërsa për çdo emergjencë është bërë koordinimi nga Urgjenca Kombëtare, me autoambulancat e dedikuara afër zonave turistike.

Qendrat shëndetësore verore u hapën në 15 qershor, ku për herë të parë u përfshi edhe testimi i shpejtë për çdo rast të dyshuar me COVID-19, për një sezon turistik të sigurt. Në këto qendra shërbejnë më shumë se 170 mjekë dhe infermierë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.