SHBA shpall paketën e re të ndihmës për sigurinë në Ukrainë prej 400 milionë dollarësh

Botë | 4 vite më parë

Administrata Biden do t’i sigurojë Ukrainës katër sisteme të tjera raketash artilerie me lëvizshmëri të lartë në paketën më të fundit të ndihmës për sigurinë.

Paketa vlerësohet në 400 milionë dollarë dhe merret vetëm nga fondet e Autoritetit të tërheqjes presidenciale, që do të thotë se SHBA po dërgon armë direkt nga stoqet e armëve amerikane.

Paketa përfshin katër sisteme shtesë raketash, municione shtesë për ato sisteme, tre automjete taktike për “rikuperimin e pajisjeve, mbështetjen e përpjekjeve të Ukrainës për riparim, rifurnizimin ndërsa beteja vazhdon, 1000 fishekë municione artilerie 155 mm, municione shkatërrimi dhe pjesë këmbimi dhe pajisje të tjera.

1000 fishekë prej 155 mm municione artilerie që SHBA po i ofron Ukrainës në këtë paketë është një “lloj i ri” municioni që SHBA nuk ia ka ofruar Ukrainës më parë./CNN

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.