SHBA shpreson të rihapë ambasadën në Kiev deri në fund të majit

Botë | 5 vite më parë

Ambasadorja amerikane në Ukrainë Kristina Kvien ka deklaruar në një konferencë për shtyp se shpresojnë që në fund të muajit maj të rihapin ambasadën në Kiev.

“Ne dëgjojmë profesionistët e sigurisë dhe kur ata të na thonë se mund të kthehemi, ne do të kthehemi”, tha Kvien.

Kujtojmë se Shtetet e Bashkuara të Amerikës njoftuar mbylljen e ambasadës së tyre në kryeqytetin ukrainas pak pasi Rusia nisi luftën në Ukrainë.

Javën e kaluar, ambasadorja e Mbretërisë së Bashkuar në Ukrainë, Melinda Simmons, tha se ndihej “rehat” duke u kthyer në Kiev pavarësisht kërcënimeve ruse kundër diplomatëve në kryeqytetin ukrainas.

Ajo mbërriti në Kiev të premten, pas njoftimit se Britania do të rihapte ambasadën e saj në shenjë mbështetjeje për Ukrainën në mes të pushtimit të Rusisë, raporton Skynews.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.