Një 20-vjeçar është arrestuare nga blutë e kryeqytetit pasi shpërndante droga të forta në doza.

Efektivët kanë lokalizuar 20-vjeçarin në afërsi të ish-Stacionit të Trenit dhe gjatë kontrollit fizik dhe të banesës janë sekuestruar qindra doza më lëndë narkotike LSD.

“Specialistët e Sektorit për Hetimin e Narkotikëve në DVP Tiranë, në vijim të punës për goditjen e aktivitetit kriminal në fushën e prodhimit dhe shpërndarjes së lëndëve narkotike, pas një pune të mirëfilltë hetimore, organizuan dhe finalizuan operacionin policor të koduar “Stacioni”.

Si rezultat i tij u arrestua në flagrancë shtetasi E. K., 20 vjeç, banues në Tiranë.

Në afërsi të ish-Stacionit të Trenit, Shërbimet e Policisë kanë lokalizuar 20-vjeçarin, të cilit gjatë kontrollit fizik dhe të banesës, i gjetën dhe sekuestruan, në cilësinë e provës, qindra doza me lëndë narkotike (sintetike) LSD”, thuhet në njoftim.

Materialet i kaluan Prokurorisë, për veprime të mëtejshme procedurale.

/rtsh.al/