Shiste lëndë narkotike, kapet minoreni, paratë i fshihte në trurin e kompjuterit

Aktualitet | 2 vite më parë

Policia e Tiranës prangosi një 17-vjeçar, i cili ishte faktuar se shiste lëndë narkotike në kryeqytet.

Sipas të dhënave nga uniformat blu, minoreni jetonte në Kamëz dhe vinte në Tiranë për të shitur dozat e lëndës narkotike. Paratë, të cilat ai u merrte klientëve, i fshihte në trurin e një kompjuteri, të cilin e mbante në banesë.

Në cilësinë e provës materiale u sekuestruan sasi lënde narkotike e dyshuar si kanabis, shuma parash të dyshuara të përfituara nga shitja e saj, një çelës automjeti dhe një celular.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.