Ministri i jashtëm ukrainas Dmitri Kuleba u kërkoi këtë të enjte Kombeve të Bashkimit Europian të refuzojnë kërkesën e presidentit rus Vladimir Putin që gazi dhe nafta ruse që konsumohet nga europianët të paguhet me rubla. “Nëse ndonjë vend i BE-së i përulet kërksave poshtëruese të Putin për ta paguar gazin dhe naftën me rubla, do të thotë që me njërën dorë të ndihmosh Ukrainën dhe me tjetrën të ndihmosh rusët të vrasin ukrainasit. U kërkoj vëndeve përkatëse që të bëjnë një zgjedhje të zgjuar dhe të përgjegjshme!” u shpreh Kuleba në tuiter. 

Gjatë një interviste për “The Economist” të mërkurën, Kuleba u shpreh se ajo që pamë bën fillim të luftës ishte ngritja e Bashkimit Europian si një lojtar i fuqishëm që mund të sjellë ndryshimin. Ajo çfarë shoh këto dhjetë ditët e fundit është që Bashkimi Europian i është rikthyer normalitetit të tij ku nuk mund të vendos shpejt dhe me forcë.

Një ditë më parë, presidenti rus bëri të ditur se Rusia do të fillonte t’u shiste gaz me rubla vendeve jomiqësore, pasi besimi i Moskës u shkatërrua nga ngrirja e aseteve ruse ndëmarrë nga kombet e huaja.