Shkodër, shpërthim me lëndë plasëse në një biznes reklamash

Aktualitet | 11 muaj më parë

Qetësia e mbrëmjes është prishur në qytetin e Shkodrës, ku një shpërthim është regjistruar pak para mesnatës.

Sipas njoftimit paraprak të Policisë, ngjarja ka ndodhur rreth orës 22:20 në lagjen “Skënderbeg”. Objektivi i sulmit dyshohet se ka qenë një subjekt privat që operon në fushën e reklamave.

Autorë ende të paidentifikuar dyshohet se kanë vendosur një sasi lënde plasëse te dera e jashtme e biznesit. Nga shpërthimi, fatmirësisht nuk ka pasur persona të lënduar, por raportohen vetëm dëme materiale në fasadën dhe hyrjen e subjektit.

Menjëherë pas sinjalizimit, në vendngjarje kanë mbërritur forca policie dhe grupi hetimor. Nën drejtimin e Prokurorisë së rrethit, ekspertët po punojnë për të mbledhur prova materiale dhe për të këqyrur kamerat e sigurisë në zonë, me qëllim identifikimin dhe kapjen e autorëve të këtij akti.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.