Shorti i Conference League: Ballkani me fat, rivalë të fortë

Futboll Vendi | 2 vite më parë

Është hedhur në Nion të Zvicrës shorti për fazën e “Play Off-it” të Conference League. Ekipet nga Shqipëria janë eliminuar, por vazhdojnë të jenë në garë skuadrat shqiptare të Ballkanit, Dritës dhe Deçiqit.

Ballkani, skuadra kampione e Kosovës, që në raundin e tretë do të sfidojë irlandezo-veriorët e Larne, do të përballet me fituesin e çiftit Dinamo Minsk (Bjellorusi)-Lincoln Red Imps (Gjibraltar) në “play-off”.

Deçiq, skuadra shqiptare nga Tuzi, kampione e Malit të Zi, në turin e tretë do të luajë kundër Helsinkit të Finlandës. Nëse Deçiq kualifikohet, do të ketë kundër në “play-off” fituesin e çiftit Klaksvik (Ishujt Faroe)-Borca Banja Luka (Bosnje).

Ndërsa Drita, nëse kualifikohet përballë letonezëve të Audas, në “play-off” do të sfidojë fituesin e çiftit Brondby (Danimarkë)-Legia e Varshavës (Poloni).

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.