Presidenti Bajram Begaj ka reaguar në lidhje me shpërthimin me tritol të makinës së kreut të Partisë Demokratike të Rithemelimit në Vaun e Dejës, Benard Nreca. Teksa dënon ngjarjen, Begaj kërkon daljen para drejtësisë të personave përgjegjës.

“Mësova me shqetësim  mbi vendosjen e një sasie eksplozivi në automjetin në pronësi të Z.Bernard Ndreca, në Laç, Vau i Dejës. Dënoj me forcë aktet e dhunës ndaj çdo individi e ndaj aktivistëve politikë të çdo kahu. Nxis institucionet përgjegjëse të identifikojnë e të vendosin para ligjit personat përgjegjës”, tha Begaj.

Ngjarja ndodhi rreth orës 07:10 të së hënës (11 prill) në fshatin Paçram, ku lënda plasëse ishte vendosur në pjesën e përparme të mjetit tip “Audi” të Nrecës, ndërsa shpërtheu sapo ai u fut në automjet. Fatmirësisht Ndreca nuk pësoi lëndime nga shpërthimi, ndërsa ngjarja nuk është zbardhur ende.

/rtsh.al/