Shpëtohen 38 emigrantë në Afrikën Perëndimore, më shumë se 60 dyshohet se kanë vdekur në Atlantik

Botë | 3 vite më parë

Më shumë se 60 persona dyshohet se kanë vdekur pasi një varkë me emigrantë u gjet në Kepin e Verdës në Afrikën Perëndimore.

Tridhjetë e tetë njerëz, duke përfshirë fëmijë, u shpëtuan, ndërsa emigrantët ishin të gjithë nga Senegali.

Anija prej druri u pa pothuajse 320 km larg Salit, një pjesë e Kepit të Verdës, nga një anije peshkimi spanjolle, e cila më pas njoftoi autoritetet.

Mes të mbijetuarve janë edhe katër fëmijë të moshës nga 12 deri në 16 vjeç, tha një zëdhënës i Organizatës Ndërkombëtare për Migracionin (IOM).

Të mbijetuarit mund të kenë përfunduar në Cape Verde, por pothuajse me siguri nuk ishte destinacioni i tyre i synuar. Ata mund të kenë patur si qëllim të mbërrinin në Ishujt Kanarie, një territor spanjoll që shihet nga shumë njerëz si një rrugë drejt BE-së. Sipas IOM, ky është një nga udhëtimet më të rrezikshme që çdo emigrant mund të bëjë./ BBC

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.