Shtëpia e Bardhë bëri të ditur se do të vendosë sanksione kundër kompanive kryesore të mbrojtjes dhe personave të tjerë, duke i bërë përgjegjëse për dhunën në Sudan. Kjo, pasi palët ndërluftuese nuk arritën t’i përmbahen marrëveshjes së armëpushimit.

Kufizimet e reja të vizave do të zbatohen për zyrtarët e Forcave të Armatosura Sudaneze dhe Forcat e Mbështetjes së Shpejtë, si dhe udhëheqësit nga ish-qeveria e udhëhequr nga Omar al-Bashir, të cilët janë “përgjegjës ose bashkëpunëtorë në minimin e tranzicionit demokratik të Sudanit”. Kjo u bë e ditur nga Departamenti i Shtetit.

Presidenti Joe Biden, më 4 maj, hodhi bazat për dënimet që pasuan, pasi lëshoi ​​një urdhër ekzekutiv që zgjeronte autoritetin amerikane për t’iu përgjigjur dhunës, si dhe për t’i dhënë fund konfliktit.

“Këto masa synojnë të bëjnë përgjegjës ata që minojnë paqen, sigurinë dhe stabilitetin e Sudanit”,- thuhet në një deklaratë këshilltarit të sigurisë kombëtare të Shtëpisë së Bardhë, Jake Sullivan.

Departamenti i Thesarit tha nëpërmjet një deklarate se katër kompanive sudaneze u ishin vendosur në sanksione. Ato janë: Al Junaid Multi Activities Co. Ltd., e cila kontrollohet nga komandanti i RSF-së Mohamed Hamdan Dagalo dhe vëllai i tij, zëvendës Komandanti i RSF-së Abdul Rahim Dagalo; Tradive General Trading LLC me bazë në Emiratet e Bashkuara Arabe, një kompani e kontrolluar nga majori i RSF-së Algoney Hamdan Dagalo, i cili gjithashtu është një tjetër vëlla i komandantit të RSF-së; kompania më e madhe e mbrojtjes e Sudanit, Defense Industries System, si dhe kompania e armëve Sudan Master Technology, e cila është e lidhur me SAF. Apnews

/rtsh.al/