Si u pasqyrua nga mediat e huaja protesta e opozitës, jehonë edhe në Rusi

Politikë | 4 vite më parë

Protesta e një dite më parë mbajtur para Kryeministrisë dhe thirrur nga ish-kryeministri Sali Berisha dhe kreu i Partisë së Lirisë, Ilir Meta, është pasqyruar edhe nga mediat e huaja.

Mediat e huaja raportojnë se mbështetës të opozitës u mblodhën para godinës së Kryeministrisë, duke kërkuar dorëheqjen e Kryeministrit Edi Rama.

Reuters shkruan se protesta ishte paqësore, ndërsa ka evidentuar të vetmin incident që ndodhi mes tyre dhe forcave të policisë.

Protesta e opozitës u pasqyrua gjerësisht edhe nga media qeveritare ruse, Agjencia Shtetërore e Lajmeve, Tass.

Tass thekson se “me mijëra njerëz u mblodhën para kryeministrisë”, duke shtuar se të drejtuar nga Berisha dhe Meta, ata kishin dalë për të protestuar kundër korrupsionit dhe varfërisë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.