Sigurimi vullnetar, mundësi më shumë për skemën e pensioneve

Sociale | 5 vite më parë

Sigurimi shoqëror vullnetar është një mundësi më shumë për të gjithë ata, që kanë periudha të paplotësuara kontributive.

Ministrja e Financave dhe Ekonomisë, Anila Denaj ndau sot informacione për qytetarët e interesuar për t’u përfshirë në këtë skemë sigurimesh.

“Përmes kësaj skeme qytetarët mund të përfitojnë pension pleqërie, invaliditeti dhe familjar”, tha Denaj.

Ajo theksoi se “me sigurimin vullnetar mbulohen disa fusha si për shembull për vitin korrent, për periudha të kaluara, ose për më shumë të ardhura”.

Masa e kontributit që duhet të paguhet për sigurimin vullnetar nga personi i interesuar, është e barabartë me masën që paguhet për degën e pensioneve, sipas pagës minimale të miratuar në periudhën kur bëhet pagesa.

Kuota mujore e sigurimit vullnetar për vitin 2021 është 6,480 lekë, që i korrespondon pagës minimale mujore.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.