Situatë problematike në Pogradec/ Lumi në fshatin Rrëmenj del nga shtrati dhe përmbyt shtëpitë

Aktualitet | 10 muaj më parë

Reshjet intensive të shiut që kanë nisur që prej mbrëmjes së djeshme kanë shkaktuar probleme të mëdha në rrethin e Pogradecit.

Sipas raportimeve nga terreni, lumi i fshatit Rrëmenj ka dalë nga shtrati, duke sjellë përmbytje në disa banesa pranë tij.

Situata paraqitet problematike, pasi niveli i ujit është rritur ndjeshëm dhe ka hyrë në oborret e shtëpive, duke krijuar shqetësim për banorët e zonës.

Gazetarja e RTSH-së, Eftjola Fili raporton se autoritetet vendore janë njoftuar dhe po ndjekin nga afër gjendjen, ndërsa pritet të ndërhyhet me mjete për të shmangur përhapjen e mëtejshme të ujit.

Për momentin, nuk raportohet për të lënduar, por dëmet materiale në banesa dhe tokat bujqësore janë të dukshme.

/rtsh.al/

Pogradeci

reshje shiu

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.