Sekretari i Përgjithshëm i NATO-s, Jens Stoltenberg ka rritur gatishmërinë dhe praninë e saj ushtarake përgjatë frontit lindor, veçanërisht ku vendet anëtare ndajnë kufijtë me Rusinë dhe Bjellorusinë.

“Natyrisht, ne po monitorojmë nga afër zhvillimet dhe tashmë kemi rritur gatishmërinë dhe praninë tonë ushtarake në pjesën lindore të aleancës”, tha ai gjatë një konference për shtyp në Hagë, së bashku me liderët e shtatë vendeve të NATO-s.

Stoltenberg përsëriti se NATO nuk duhet të nënvlerësojë Rusinë që t’i ofrohet Ukrainës mbështetja e duhur.

Shefi i NATO-s tha gjithashtu se lufta e presidentit rus Vladimir Putin kundër Ukrainës ka thelluar ndarjet brenda Moskës.

“Ajo që është e qartë është se lufta e paligjshme e Presidentit Vladimir Putin kundër Ukrainës ka thelluar ndarjet dhe ka krijuar tensione të reja në Rusi”, tha Stoltenberg, duke iu referuar rebelimit të abortuar të shefit të Ëagner, Yevgeny Prigozhin.

Duke folur së bashku me Stoltenberg, Presidenti i Lituanisë Gitanas Nauseda tha se vendosja e mundshme e luftëtarëve nga grupi mercenar Ëagner në Bjellorusi mund të rrisë rrezikun e paqëndrueshmërisë në rajon.

“Të shtunën e kaluar, të gjithë kemi parë rebelimin e grupit Ëagner në Rusi. Nëse Ëagner vendos vrasësit e tij serialë në Bjellorusi, të gjitha vendet fqinje përballen me rrezik edhe më të madh të destabilitetit. Në rrethana të tilla, parandalimi dhe mbrojtja përpara është një përparësi kryesore”, tha Nauseda.

Presidenti polak Andrzej Duda, i cili gjithashtu foli në konferencën për shtyp, tha se prania e luftëtarëve Vagner në Bjellorusi do të ishte shqetësuese dhe kërkon një përgjigje të ashpër nga NATO.

Stoltenberg tha më herët të martën se donte t’i dërgonte një mesazh të qartë Moskës dhe Minskut se “NATO është atje për të mbrojtur çdo aleat, çdo pëllëmbë të territorit të NATO-s”, transmeton CNN. 

Aleanca në rritje midis Bjellorusisë dhe Rusisë po shihet me shqetësim nga zyrtarët perëndimorë.

/rtsh.al/