Një stuhi e fortë dëbore e shoqëruara nga erëra të forta ka goditur  Ukrainën, duke lënë pa energji elektrike më shumë se 2 mijë vendbanime në 16 krahina të vendit . Më shumë se 12 autostrada janë bërë të pakalueshme. 

Kushtet ekstreme të motit vinë në një kohë që dhjetëra mijëra trupa ndodhen në vijat e frontit në luftën me Rusinë dhe ndërsa Kievi ka ngritur shqetësimin se Moska mund të shënjestrojë rrjetin energjisë elektrike me sulme ajrore këtë dimër.

U desh ndërhyrja e ekipeve të emergjencës për të ndihmuar të paktën 1370 kamionë mallrash dhe 840 automjete të tjera që ngecën në dëborë. 

Edhe shërbimi kufitar I Ukrainës u shpreh se Moldavia kishte pezulluar përkohësisht kalimin në territorin e saj të mjeteve nga Odesa.

Zyrtarët e kryeqytetit Kiev bënë të ditur se erërat e forta kishin grisur edhe flamurin më të madh të vendit që ndodhej pranë muzeut kombëtar të historisë, I cili, sipas tyre,  do të zëvendësohet dhe ngrihet sërish pasi kushtet e motit të qetësohen.

/RTSH/