Presidenti Joe Biden ka konfirmuar se SHBA kanë vrarë liderin e al-Kaedës, Ayman al-Zawahiri, në një sulm me dron në Afganistan. BBC raporton se lideri i al-Kaedës është vrarë në një operacion kundër terrorizmit, të kryer nga CIA në Kabul, më 31 korrik. Presidenti Biden tha se kishte dhënë miratimin përfundimtar për “goditjen e saktë” ndaj liderit 71-vjeçar të Al-Kaedës, pas muajsh planifikimi.

“Pavarësisht se sa kohë duhet, pavarësisht se ku fshiheni, nëse jeni një kërcënim për popullin tonë, Shtetet e Bashkuara do t’ju gjejnë dhe do t’ju nxjerrin jashtë. Ne kurrë nuk do të lëkundemi nga mbrojtja e kombit tonë dhe njerëzit e saj”, tha Biden.

Biden deklaroi se Zawahiri kishte “gdhendur një gjurmë të vrasjeve dhe dhunës kundër qytetarëve amerikanë”. “Tani drejtësia është vendosur dhe ky lider terrorist nuk është më,” shtoi ai.

Zaëahiri mori drejtimin e Al-Kaedës pas vdekjes së Osama Bin Ladenit në vitin 2011. Ai dhe Bin Laden komplotuan së bashku sulmet e 11 shtatorit dhe ai ishte një nga “terroristët më të kërkuar” të SHBA-së. Zyrtarët thanë se Zawahiri ishte në ballkonin e një shtëpie të sigurt kur droni qëlloi dy raketa drejt tij. Anëtarët e tjerë të familjes ishin të pranishëm, por ata ishin të padëmtuar dhe vetëm Zawahiri u vra në sulm.

Sipas Biden Zawahiri ishte organizator edhe i disa akteve të tjera dhune, duke përfshirë sulmin vetëvrasës të destrojerit detar USS Cole në Aden në tetor 2000, i cili vrau 17 marinarë amerikanë dhe sulmet e vitit 1998 ndaj ambasadave amerikane në Kenia dhe Tanzani, në të cilat 223 persona vdiq. Ai këmbënguli se Afganistani nuk do të bëhet më kurrë një strehë e sigurt për terroristët.

/rtsh.al/