Teksas, makina godet një grup emigrantësh, 7 viktima, 6 të plagosur

Botë | 3 vite më parë

Shtatë persona kanë mbetur të vdekur në Teksas, pasi një makinë goditi një grup njerëz në një stacion autobusi pranë një qendre për të pastrehët dhe emigrantët. Incidenti ndodhi në qytetin Brownsville pranë kufirit meksikan.

Nga goditja kanë mbetur edhe 6 të plagosur, disa prej tyre në gjendje kritike për jetën. Policia ka arrestuar shoferin, e cila dyshon se ngjarja është e qëllimshme.

Drejtori i Qendrës, Peshkopi Enrique San Pedro Ozanam, i tha Associated Press se shumica e viktimave ishin nga Venezuela. Togeri Martin Sandoval i Departamentit të Policisë Brownsville tha për mediat lokale se shoferi ishte dërguar në spital për trajtim mjekësor dhe se po u nënshtrohej testeve të drogës dhe alkoolit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.