Tërmet 6,2 ballë godet Havain

Botë | 5 vite më parë

Një tërmet me magnitudë 6,2 ballë ka ndodhur në brigjet e Ishullit të Madh në shtetin amerikan të Havait.

Tërmeti ka ndodhur në një thellësi prej 35 kilometrash, rreth 27 kilometra në jug të rajonit Naalehu në Ishullin e Madh në jug të Havait, sipas deklaratës së bërë nga Shërbimi Gjeologjik Amerikan (USGS).

Pas tërmetit, i cili nuk ka shkaktuar viktima, janë regjistruar shumë dridhje, më e madhja prej të cilave ka qenë me fuqi 4,3 ballë.

Në një deklaratë nga Departamenti i Transportit në Havai, thuhet se tërmeti nuk ka shkaktuar dëme në aeroporte, ura apo porte.

Shërbimi Meteorologjik Kombëtar në kryeqytetin Honolulu njoftoi se nuk ka rrezik për cunami pas tërmetit./AA

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.