THREEX improvizon në prapaskenat e Fest 64, performancë energjike para ngjitjes në skenë

Muzikë | 11 muaj më parë

Emocionet në Festivalin e Këngës në RTSH ndihen jo vetëm në skenën kryesore, por edhe në prapaskenë. Tri motrat e grupit THREEX u panë duke performuar pak çaste para daljes së tyre në skenë, duke improvizuar në “skenën” e vogël të ngritur në backstage për Fest 64.

Artistet sollën një cover të grupit të njohur Destiny’s Child, duke krijuar një moment spontan dhe energjik, që shërbeu edhe si ngrohje para performancës zyrtare.

“Kemi emocione, pyesim veten si do të dalim dhe nëse do të japim më të mirën tonë. Por duam të fokusohemi te gjërat pozitive”, u shprehën ato.

Grupi THREEX konkurron këtë vit në Festivalin e Këngës me këngën “Vite”, duke sjellë në skenë energji, harmoni vokale dhe një frymë bashkëkohore.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.